Kushughulikia mambo yote yanayohusu afya, maendeleo ya jamii, elimu, mifugo, uvuvi, kilimo, ushirika na huduma za maji. Kamati hii pia itashughulikia mambo yanayohusiana na jitihada za wananchi kujiletea maendeleo yao kwa kutumia mbinu mbalimbali ikiwa ni pamoja na kushauri, kushawishi, kuzindua, kuelimisha na kushirikisha wananchi hao hasa katika kutayarisha, kutekeleza, kusimamia na kutathmini mipango yao ya maendeleo.
Majukumu maalum ya Kamati:
Kuandaa mipango madhubuti ya maendeleo ya upanuzi na ujenzi wa hospitali, vituo vya afya na zahanati
Kuandaa mipago ya maendeleo ya upanuzi na ujenzi wa shule za awali na msingi na elimu ya watu wazima kwa mujibu wa Sheria ya Elimu ya 1978 kama ilivyorekebishwa mwaka 1995.
Kupendekeza njia bora juu ya uhifadhi wa sanaa mbalimbali za ufundi na za maonyesho kwa mujibu wa Sheria ya Serikali za Mitaa Sura ya 288
Kupendekeza matumizi mazuri ya lugha ya taifa.
Kupendekeza namna ya malezi ya vijana ili waweze kuwa wazalishaji katika Taifa.
Kusimamia uanzishaji wa uendelezaji wa vikundi vya jamii na vya hiari vya wananchi katika Halmashauri kwa mujibu wa Sera ya maendeleo ya jamii.
Kupendekeza na kufanya tathmini ya uendelezaji wa mabonde na mabwawa.
Kubuni na kupendekeza namna ya kudhibiti moto
Kubuni na kupendekeza mikakati ya utumiaji wa nishati mbadala, kuzuia ukataji miti ovyo, na kuhimiza upandaji miti kwa wingi.
Kushughulikia uanzishaji na uendelezaji wa vyama vya ushirika kwa mujibu wa Sheria ya Vyama vya Ushirika.
Kuweka mikakati madhubuti ya kuhakikisha kila mtoto aliyefikia umri wa kwenda shule anafanya hivyo.
Kuweka mikakati ya makusudi juu ya njia bora za kuchangia baadhi ya huduma za Elimu na Afya.
Kubuni na kupendekeza njia bora za kuzuia na kudhibiti magonjwa ya milipuko.
