HALMASHAURI YA JIJI YAPOKEA WAGENI WENGI KUTOKANA NA UTENDAJI MZURI

Posted on: December 19th, 2017

Halmashauri  ya Jiji la Arusha  imekuwa ikipokea wageni  kutoka miji mbali mbali ndani na nje ya nchi kwa ajili ya kujifunza mambo mbalimbali ya kiutendaji .

Mnamo Tarehe 16/10/2017 Halmashuuri ya Jiji la Arusha ilipokea wageni (Naibu Meya, Mkurugenzi, Madiwani na baadhi ya Watendaji) kutoka Manispaa ya Bukoba ambapo lengo kuu la ziara yao lilikuwa ni  kujifunza juu ya mfumo wa usimamizi wa ukusanyaji wa mapato, usimamizi wa uzoaji taka na utekelezaji wa miradi ya uboreshaji miji na majiji inayofadhiliwa na benki ya dunia (ULGSP na TSCP).       

Pamoja na ziraya yao ya kimafunzo pia walipata fursa ya kutembelea eneo la machinjio ya kisasa yanayomilikiwa na Halmashauri ya Jiji la Arusha (Arusha Meat) na kujionea namna yanavyofanya kazi kwa  usafi na ufanisi wa hali ya juu.

Pia walipata fursa ya kutembelea bustani inayoishi ya Themi (Themi Living Garden)  ambayo katika historia hapo mwanzo ilikuwa kichaka cha wahalifu ila baadae Halmashuri ya Jiji la Arusha iliamua kuhifadhi eneo hilo na kuwa mahala pa mapumziko. Kwa sasa linasimamiwa na kampuni ya watu wa Itali, Oikos baada ya kuingia nao mkataba wa maridhiano juu ya utunzaji wa mazingira.

Aidha   Halmashauri ya Jiji la Arusha Tarehe 19/12/2017 pia ilipokea Madiwani 42, Wakuu wa Idara 9 na Wataalam watano kutoka Manispaa ya Morogoro kujifunza Uthamini wa Mali za Halmashauri.