Jaa la kisasa la Murriet- Jijini Arusha limeendelea kuwa kivutio cha mafunzo nchini na nje ya nchi

Posted on: July 19th, 2019

Halmashauri ya jiji la arusha imekuwa ikipokea wageni kutoka miji mbalimbali nchini na nje ya nchi kwa ajili ya kujifunza mambo mbalimbali ya kiutendaji.

 Jana tarehe 18/07/2019 Halmashauri ya jiji la Arusha ilipokea  wataalamu 30  kutoka kisumu nchini kenya ambapo lengo kuu la ziara yao ilikuwa ni kujifunza juu mfumo wa usimamizi  na uendeshaji wa Jaa la kisasa lililopo murriet  sambamba na mifumo ya maji na uhifadhi wa mazingira,mfumo wa usimamizi na ukusanyaji wa mapato  pamoja na namna Jiji la Arusha linavyoendesha  na kuongoza shughuli zake.

Sambamba na ziara hiyo wageni walipata fursa ya kutembelea maeneo mbali mbali ya Jiji la Arusha ikiwemo eneo lilipo Jaa hilo na kujionea shughuli zinavyoendeshwa  kwa ufanisi na usimamizi mzuri.

Ugeni huo kutoka kenya uliambatana na mkurugenzi wa Jiji la kisumu pamoja na wakuu wa idara za  jiji hilo pamoja na mwenyekiti na wanachama wa bodi ya jiji la Kisumu.

Wageni hao kutoka Kisumu nchini Kenya pia walifurahia mapokezi na  ukarimu wa  watanzania  pamoja na  mafunzo  maridhawa  kutoka kwa wataalamu wa halmashauri  ya Jiji la Arusha waliobobea katika fani zao akiwemo Kaimu mhasibu wa mapato Jiji la Arusha,Afisa usafishaji na mazingira Jiji la Arusha,Kaimu mwanasheria, Afisa maliasili na utalii pamoja na kaimu mhandisi wa jiji.

"Pichani:  Afisa usafishaji na mazingira Bw. James Lobikoki akitoa mafunzo kwa wageni kutoka Jiji la Kisumu" 

******************************************************

"Pichani: Kaimu mhasibu wa mapato Jiji la Arusha Bi. Felista Kitambi akitoa mafunzo kwa wageni kutoka Kisumu"

***************************************************

"Pichani:  Afisa  maliasili   Bw.Michael Ndaisaba akitoa mafunzo kwa wageni kutoka Kisumu"

**************************************

"Pichani: Moja kati ya miradi inayoendelea ya uboreshaji wa Jaa la Murriet"

“UDUMU URAFIKI WA KENYA NA TANZANIA”