RC Mongella ataka Wakuu Wilaya kuwa makini na watu wenye majungu, majungu yanarudisha maendeleo

Posted on: June 21st, 2021

RC  Mongella ataka Wakuu Wilaya kuwa makini na watu wenye majungu, majungu yanarudisha maendeleo. 

Na Mwandishi wetu 

Mkuu wa Mkoa wa Arusha John  Mongella amewataka Wakuu wa Wilaya walioteuliwa na Rais wa Awamu ya Sita Mhe. Samia Suluhu Hassan kufanya kazi  ya kuwatumikia Wananchi kwa kwa uadilifu na kuepuka wapika majungu. 

Mh. Mongella akizungumza na Wakuu wa Wilaya Mara baada ya kuwaapisha Wakuu wa Wilaya wawili wa Wilaya ya Longido na Wilaya ya Arusha alisema kuwa  kazi ya wakuu wa Wilaya ni kuhakikisha wanasikiliza kero za Wananchi na kuzitafutia ufumbuzi.

Pia aliwatahadharisha kuhusu kuepuka kusikiliza majungu kwa kuwa yanapoteza muda wakuwaletea wananchi maendeleo. 

Pamoja na mambo mengine aliwataka kushirikiana na wataalam katika Wilaya zao pamoja Madiwani kwa kuhakikisha wanakuwa na Sauti ya pamoja katika masuala yanayoleta maendeleo. 

Naye Mkuu wa Wilaya ya Arusha Sophia Mjema akizungumza katika hafla hiyo alisema ametumwa kuwaletea wananchi maendeleo kwamba yuko tayari kushirikiana na kila Mwananchi na ofisi yake iko wazi kila wakati. 

Mh.Mjema alimhakikishia Mkuu wa Mkoa wa Arusha ushirikiano na kwamba yuko tayari kuwaletea wananchi wa Wilaya ya Arusha maendeleo.