UZINDUZI WA KAMPENI YA MABADILIKO YA TABIA NCHI KWENYE NYANJA YA USAFI WA MAZINGIRA

Posted on: January 28th, 2020

Katibu tawala wa wilaya ya Arusha Ndg. David Mwakaposa leo Tarehe 28/01/2020 amezindua kampeni ya mabadiliko ya tabia Nchi kwenye nyanja za usafi wa mazingira. Uzinduzi huo ulidhuriwa na naibu meya Mhe. Paul Matthyesen na Kaimu Mkurugenzi wa Halimashauri ya Jiji la Arusha Ndg. Sifael Kulanga pamoja na taasisi mbalimbali za kiserikali na zisizo za kiserikali ikiwemo (SNV)  Smart Development  Workers ambao ndio wadau wakuuu katika uzinduzi huo uliofanyika Jijini  Arusha katika kituo cha afya cha Ngarenaro.

Mhe. mwakiposa akiwa mgeni wa heshima katika uzinduzi huo  alisisistiza  kwa kusema lengo  kuu la kampeni hii ni kutoa elimu  kuhusu  usafi wa  vyoo vyetu na kuhifadhi mazingira kwa ujumla, njia sahihi ya kutoa  maji taka na kujenga vituo vya kuwekea taka

Mwakiposa aliendelea kusema mazingira yetu ili yawe salama kuwepo na ushirikiano baina ya afisa afya na mazingira  kwa kuwezesha kuvuta maji taka kwenye vyoo kwa njia salama  kwa kutumia vifaa kama vile glavu na mabuti kwenye vyoo vilivyo jaa ili kuepusha mlipuko wa magonjwa kama vile kipindupindu .

Pia alipongeza (smart develompent workers) kwa mchango wao mkubwa kwa kutoa elimu ya utunzaji mazingira kwa jamii na usambazaji wa vifaa vya usafi.

Aliongezea kwa kusema kwenye kampeni hii ya leo ya mabadiliko ya tabia ya Nchi kwenye nyanja ya usafi wa mazingira , Halimashauri  ya Jiji la Arusha itatoa ushirikiano wake bega kwa bega  kwa kuchimba vyoo shuleni na kuweka sehemu maalumu ya kuwekea taulo za kike na taka zinazozagaa hovyo.

 wakati huo shirika la (SNV) linalojishughulisha na kusambaza vifaa kinga vya usafi katika jamii ndani ya Jiji na nje, kuwasaidia walemavu, wanawake wasiojiweza na wajane wanaoishi katika mazingira duni, taasisi hiyo imeshukuru serikali kupitia Halimashauri ya Jiji la Arusha kwa kuunga mkono kampeni hiyo. Nakujitolea kutoa elimu ipasavyo jamii juu ya mabadiliko ya mazingira na kusambaza vifaa popote katika jamii.