Uzinduzi wa mkakati wa kitaifa wa kudhibiti mbu na wadudu wadhurifu waenezao magonjwa.

Posted on: July 27th, 2019

Afisa afya wa mkoa wa Arusha Bi Vones Uiso  amezindua rasmi zoezi la mkakti wa kitaifa wa kudhibiti mbu na wadudu wadhurifu waenezao magonjwa leo Tarehe 27 Julai 2019 jijini Arusha . Bi. Vones Uiso  akiongozana na Afisa afya wa jiji la Arusha  Bw. Allen Sumari,wataalamu pamoja na wadau wengine  wameendesha zoezi hili kwa kuanzia kata ya sombetini kisha kata ya moshono ambapo madimbwi na mitaro inayotwamisha maji imenyunyiziwa dawa ya kuuwa viluilui vya wadudu waenezao magonjwa.

 Sambamba na hilo Bi. Vones Uiso amesisitiza usafi wamazingira kuzingatiwa katika jamii kwa kuhakikisha taka zote zinakusanywa na kuhifadhiwa kwenye maeneo rasmi yaliyo tengwa kwaajili ya kuhifadhi taka(Jaa). Utaratibu huu utachangia kupunguza mazalia ya mbu na wadudu wanaoenezao magonjwa katika jamii.

Afisa afya wa jiji la Arusha  nae amemshukuru mkurugenzi wa jiji la Arusha kwa kutoa ushirikiano wakutosha kwa idara ya afya  na mazingira kwa kuwezesha kupata vitendea kazi na dawa za kutumika katika uzinduzi wa  zoezi hilo.

Zoezi la uzinduzi wa mkakati wa kitaifa wa kudhibiti mbu na wadudu wadhurifu waenezao magonjwa ni zoezi endelevu kwa mikoa yote nchi nzima kwa mujibu wa maelekezo ya wizara ya Afya maendeleo ya jamii jinsia ,wazee na watoto.

                                                                                       "Tanzania bila wadudu wadhurifu inawezekana"