Kata ya Sekei ni miongoni mwa kata 25 za Halmashauri ya jiji la Arusha. Kata hii inapakana na kata ya kimandolu upande wa magharibi, kaloleni upande wa mashariri, kusini kata ya Oloirieni na kaskazini inapakana na Halmashuri ya Arusha. Kata ya sekei ina jumla ya mitaa sita ambayo ni: Naura, AICC, Goliondoi, Mahakama, Sanawari, Naurei.
HISTORIA YA KATA.
Kabla ya kuwa kata ilikua tawi ambalo lilikuwa likuhudumiwa na makatibu wa CCM.Kata ya sekei ilianzishwa mnamo mwaka 1969. Jina sekei limetokana na neno la kimasai seki. Seki ni aina ya miti iliyokuwa imeota katika maeneo ya kata na ilikua ni malisho mazuri ya mbuzi.
Asili ya watu wa sekei ni mchanganyiko wa wamasai, wameru,na wachaga waliotokea kijiji kinachoitwa Mula.
Kata ina jumla ya wakazi 9213 ME 4272 na KE 4941.
IDADI YA SHULE
Kata ina jumla ya shule tatu za msingi ambazo ni Kijenge, Sanawari na Naura na kila shule ya msingi ina madarasa ya awali. Kata haina shule ya sekondari.
VITUO VYA AFYA.
Kata ina kituo cha afya cha Polisi Pamoja na hospitali ya mkoa Mount Meru.
TAASISI ZA SERIKALI.
Taasisi za serikali zilizopo kata ya sekei ni kama ifuatavyo;
Ofisi za halmashauri ya jiji la arusha iliyopo mtaa wa Goliondoi
Ofisi ya mkuu wa mkoa iliyopo mtaa wa AICC.
Ofisi za East Africa Community mtaa wa AICC
Ofisi ya mkuu wa wilaya iliyopo mtaa wa Naura.
Ofisi ya polisi mkoa na wilaya vyote vipo mtaa wa Naura
Benki kuu iliyopo mtaa wa Goliondoi.
Shirika la posta na simu mtaa wa Goliondoi
Ofisi ya TRA iliyopo mtaa wa Naura.
Mahaka ya mkoa iliyopo mtaa wa Mahakama.
Ikulu iliyopo mtaa wa mahakama
Chuo cha Afya CEDHA kilichopo mtaa wa Naura
Makumbusho ya Taifa-mtaa wa AICC
Ofisi ya mwanasheria mkuu wa serikal iliyopo mtaa wa Goliondoi.
Ofisi ya uhamiaji iliyopo mtaa wa Naura
Ofisi ya magereza Mkoa iliyopo mtaa wa Naura
Ofisi ya Mifugo iliyop mtaa wa Naura
MIRADI INAYOTEKELEZWA KWA MWAKA WA FEDHA 2016/2017
Kwa mwaka huu wa fedha. Miradi inayotekelezwa kwa mwaka wa fedha 2016/2017 Matundu ya vyoo shule ya msingi sanawari na kijenge, ukarabati wa soko la sanawari, taa za barabarani,marekebisho ya barabara zinazoingia ndani ya kata
MIPANGO YA KATA KATIKA KUTOA HUDUMA BORA KWA WANACHI.
Kwa kushirikiana na wenyeviti wa mitaa kuwatambua wanachi wote waliopo ndani ya kata na kuwaingiza kwenye rejesta ya wakazi.
kuhakikisha mikutano ya mitaa inafanyika kulingana na ratiba ambapo ndipo wananchi wataibua kero na miradi ya utekelezaji.
Kuwapatia elimu ya ujasiriamali na kuwawezesha kupitia mfuko wa Wanawake na vijana.
Kuhakikisha watoto wote wenye umri wa kwenda shule wanaandikishwa
Kuhamasisha wanachi kujitokeza na kufanya usafi katika mazingira yanayowazunguka kwa kila siku na pia kwa kuzingatia ratiba iliyowekwa na jiji.
