Dkt. Madeni kuwafariji wafanyabiashara wadogo wa Soko Kuu Jijini Arusha

Posted on: March 2nd, 2019

Mkurugenzi wa Jiji la Arusha Dkt. Maulid Suleiman Madeni ametoa Shilingi Milioni 1 kama asante kwa wafanyabiashara watano wa Soko Kuu ambao Walilazimishwa kulipa ushuru wa Shilingi  500 huku wakiwa 

na vitambushulisho vya kuwatambua kama waasiriamali wadogo

Wakati akitoa fedha hizo leo Tarehe 02 Machi,2019  Dkt. Madeni amesema kuwa  fedha hizo amezitoa katika mshahara wake  kwa ajili ya kuwaongezea mitaji wafanyabiashara hao ili kuwainua kiuchumia  pamoja na kuwapa pole kufuatia adha waliyokumbana nayo yakulazimishwa kutoa ushuruwa Sh. 500 na Mkuu wa Soko la hilo, Yusuf Ngenya iliyotokea siku ya

Jumatano Tarehe 27 Februari mwaka huu

“Natoa fedha hizi kuwafariji  kutokana na kitendo alichokifanya Mkuu wa Soko kuu kuwatoza ushuru ilhali akijua kuwa mnavyo vitambulisho vinavypwatambua kama wajasiriamali wadogo  almaarufu kama  machinga”  alisema Dkt. Madeni.

“Kitendo kilichofanywa na mtumishi aliyechini yangu kimesababisha kuwaweka wafanyabiashara hawa katika huzuni hali ya kuwa wanaishi katika Nchi huru na wanavyo vitambulisho vya kuwatambua kama wajasiriamali wadogo  na pia namuomba Radhi Rais wa Jamhuri ya Muungano wa Tanzania Mhe. Dkt John Pombe Magufuli kwa kitendo kile alichokifanya kuwatoza ushuru

kinamama hawa huku akijua ni kiyume na maelekezo ya Rais wetu mpendwa”. Aliongeza Dkt. Madeni.

Naye Bi. Dorah Patric mmoja kati ya wafanyabiashara  waliokumbwa nakadhia hiyo alishukuru kupata fedha hizo kwani mtaji wake wa machungwa ni Sh.15,000  hivyo kitendo cha kupewa Sh.200,000 na Mkurugenzi wa Jiji kitamsaidia kukuza biashara yake .

“Ukweli Namshukuru  Mungu kwani sijategemea kupata fedha hizi. Namshukuru Mkurugenzi wetu  kwa kunipa hela hii kutokana na ujasiriwangu wa kugoma kulipa sh. 500 wakati ninakitambulisho”. alisema Dorah

Awali aliyekuwa Mkuu wa Soko hilo,  Yusuf Ngenyaambaye pia kwa sasa ameondolewa katika nafasi hiyo kwa kushindwa kufikiamalengo ya ukusanyaji wamapato ndani ya soko hilo  alipopewa nafasi ya kujitetea mbele yaMkurugenzi Dkt. Madeni alisema kuwa aliamua kurekodi video wakati akidaiushuru kwa wafanyabiashara hao  kamaushahidi wakati atakapokuja kuulizwa sababu za  mapato ya soko kushuka na  video hiyo pia iweze  kuonyesha jinsiwafanyabiashara wanavyogoma kulia ushuru wa masoko.