NENDENI MKAONGEZE UFANISI

Posted on: August 19th, 2024

Mkuu wa Wilaya ya Arusha Mhe. Felician Mtahengerwa, amekabidhi Komputa 25 kwa watendaji wa Kata zote 25 za Wilaya ya Arusha.

Katika makabidhiano hayo, amewataka watendaji hao kuhakikisha wanatekeleza majukumu yao kwa ufanisi kwani tayari wameshapatiwa vitendea kazi.

Amesema vitendea kazi hivyo, vikaongeze nguvu ya utendaji ili kusukuma maendelea katika Jiji la Arusha.

Kwa upande mwingine aliyekuwa Mkurugenzi wa Halmashauri ya Jiji la Arusha Mhandisi Juma Hamsini ametumia wasaa huo kuwaaga rasmi watumishi hao.

Amewataka watumishi kuendelea kudumisha umoja na mshikamano ili miradi na huduma kwa wananchi iendelee kwa kasi ile ile.

Hamsini amesema, Halmashauri ilishatenga fedha kwa ajili yakuhakikisha watendaji wa Kata wanapatiwa vitendea kazi kama vile pikipiki kwa lengo la kuwarahisishia utendaji wao wa kazi.