DC Mtanda awataka Watumishi kufanya kazi kwa weledi

Posted on: December 8th, 2021

Mkuu wa Wilaya ya Arusha Mh. Said Mtanda amewataka watumishi wa Ofisi ya Mkuu wa Wilaya kuchapa kazi, kua wakweli, watiifu, waaminifu na wenye mawazo chanya kwani kwakufanya hivyo kutamfanya kua Mkuu wa Wilaya bora kwani kazi hiyo haifanyi peke yake.

DC Mtanda ametoa wito huo 8/12/2021 alipokua akizungumza na watumishi wa Ofisi yake katika Hafla fupi ya ukaribisho wake akitokea Wilaya ya Moshi.

Aidha amewataka watumishi na wafanyakazi wa Ofisi ya mkuu wa Wilaya wasiwe kero kwa wananchi, kwa Serikali badala yake wajitume kufanya kazi kwa umoja ili kumsaidia Rais wa Jamhuri ya Muungano wa Tanzania na serikali yake kutekeleza Majukumu yao.

"Mimi ni Mtu ninayependa kazi, ninayejituma kufanya kazi ningependa waliochini yangu wapende kazi na wajitume kufanya kazi... Mkinisikiliza Mimi tutaenda vizuri, mimi no mtu muwazi, mkweli na sipendi majungu na Mimi ili niwe bora ni lazima niwe na Maafisa Tarafa bora " - DC Mtanda

Akiendelea kuzungumza na watumishi hao, Mhe. Mtanda amewataka watumishi kua wakarimu kwa wanachi huku na kueleza haki Tatu za msingi kwa wananchi wanaofika katika Ofisi hiyo ni pamoja na Kupokelewa, Kusikilizwa na Kuhudumiwa.

"Mimi mkuu wa Wilaya nawapenda watu natamani na wale wanaofanya kazi na Mimi wawapende watu bila kuwabagua hali na hadhi zao"

Akihitimisha salamu zake za ukaribisho kwa watumishi wa Ofisi yake kama mkuu wa Wilaya ya Arusha amesisitiza Amani na upendo Miongoni mwa Watumishi wote, kuepuka kusemana, kuhujumiana na kwamba hiyo ni Ofisi ya Utendaji wala sio ya siasa.