Dr. Madeni kudhamini safari ya kitalii kwa washiriki wa mashindano ya urembo ya Miss Journalism 2018 kutembelea hifadhi ya Taifa ya Tarangire

Posted on: December 14th, 2018

Katika kuhamasisha Utalii wa ndani na wa nje Mkurugenzi wa Jiji la Arusha Dr. Maulid Suleiman Madeni amedhamini Safari ya kitalii kwa Washiriki wa Mashindano ya urembo ya Miss Journalism World 2018 kutoka Mataifa 13 duniani kutembelea hifadhi ya Taifa ya Tarangire.

Dkt. Madeni amesema kuwa utalii ni chanzo kimoja wapo kikubwa kinachochangia pato la serikali na fedha za kigeni hivyo kila mtanzania kwa nafasi yake anapaswa kuzipa kipaumbele shughuli za kitalii na kuenzi tamaduni zetu.

• PICHANI: Mshiriki wa shindano la urembo la Miss Journalism World 2018  kutoka Tanzania WITNESS KAVUMO katika picha ya pamoja na Afisa Habari na Mahusiano  wa Jiji la Arusha Bi. Fatuma Ibrahimu (wa kushoto) Pamoja na Afisa Utamaduni wa Jiji la Arusha Bi. Elizabeth Ncheye (wa kulia) walipotembelea hifadhi ya Taifa ya Tarangire leo Tarehe 14 Disemba, 2018.

........................................................................................................................................................................................................................

Miss Journalism World 2018 ni shindano jipya lililobuniwa kwa mara ya kwanza barani Afrika na kijana wa kitanzania Bw. Samwel Chazi na pia ni shindano la 7 kwa ukubwa Duniani katika tasnia ya urembo.

 lengo kuu la mashindano haya ni kutangaza vivutio vya utalii kimataifa hasa Bonde la Ngorongoro, Mlima Kilimanjaro, Hifadhi ya Taifa ya Serengeti na Olduvai gorge pamoja na kutangaza utalii wa kitamaduni katika nchi yetu

• PICHANI: Baadhi ya Washiriki wa Mashindano ya urembo ya Miss Journalism World  2018 walipotembelea hifadhi ya Taifa ya Tarangire leo Tarehe 14 Disemba, 2018
• .............................................................................................................................................................................................

Kilele cha mashindano hayo kinatarajiwa kuwa kesho Tarehe 15/12/2O18 katika ukumbi wa Mount Meru Hotel ambapo atakayeibuka mshindi katika mashindano hayo atapata fursa ya Kuwa balozi wa kimataifa wa Mlima Kilimanjaro na  atakuwa na majukumu ya kutangaza Mlima Kilimanjaro duniani kote.

• PICHANI: Mwandishi wa habari na mmoja wa wamiliki wa Online Tv  Jijini Arusha Ndg. Gadiel Kitomary (Wa Katikati ) akiwa na baadhi ya  walipotembelea hifadhi ya Taifa ya Washiriki wa Mashindano ya urembo ya Miss Journalism World  2018 Tarangire leo tarehe 14 Disemba, 2018.