JITOKEZENI KUJIANDIKISHA KATIKA DAFTARI LA KUPIGA KURA- SABAYA

Posted on: July 5th, 2024

Mwenyekiti wa Chama  Cha Mapinduzi (CCM) Mkoa wa Arusha  Thomas Ole Sabaya  Amewataka wananchi wa Mkoa wa Arusha kujitokeza kujiandikisha kwenye maboresho ya daftari la kudumu la  wapiga kura.

Amesisitiza hayo alipokuwa akizungumza kwenye kikao baina ya viongozi wa kata, mitaa na wataalamu wa Halmashauri ya Jiji la Arusha.

"Kujiandikisha kwenye maboresho ya daftari la kupiga kura kutatoa nafasi kwa kila aliyejiandisha kupiga kura kipindi cha uchaguzi",alisema.

Amewataka viongozi hao wa ngazi ya kata na mitaa kuwahamasisha wananchi wao kujitokeza kwa wingi kujiandikisha.

Mwenyekiti huyo yupo katika ziara ya kata kwa kata katika Wilaya ya Arusha kwa kusikiliza na kutatua kero mbalimbali za wananchi.