KAMATI YA SIASA WILAYA YA ARUSHA YARIDHISHWA NA UTEKELEZAJI WA MIRADI YA MAENDELEO JIJINI ARUSHA.

Posted on: February 3rd, 2024

Mwenyekiti wa Chama cha Mapinduzi Wilaya ya Arusha Mhe.Dkt.Wilfred Soileli ameupongeza uongozi wa Wilaya na Halmashauri ya Arusha kwa kusimamia miradi ya maendeleo vizuri.

Pongezi hizo amezitoa wakati Kamati ya Siasa Wilaya ya Arusha ilipofanya ziara yakukagua miradi mbalimbali ya maendeleo katika Jiji la Arusha.

Amesema, miradi mingi imekidhi viwango vya ubora kwa thamani ya fedha kuonekana.

Pia,amepongeza viongozi hao kwa kumalizia miradi viporo kwa haraka na hivyo kuwawezesha wananchi kupata huduma.

Nae, Mkuu wa Wilaya ya Arusha Mhe.Felician Mtahengerwa ameshukuru Kamati ya Siasa Wilaya kwa ukaguzi huo wa miradi ambao umetokana  na ushirikiano mzuri wa viongozi.

Mkurugenzi wa Jiji la Arusha  Juma Hamsini amesema Halmashauri ya Jiji la Arusha itaendelea kushirikiana na viongozi wote ikiwemo wa Chama cha Mapinduzi ili kutekeleza ilani ya chama hicho kwa kiasi kikubwa.

Aidha, katika ziara hiyo Juma Hamsini amewahasa Viongozi na watendaji wote wa Serikali kutogusa fedha za miradi ya maendeleo kwani itakwamisha kumalizika mapema kwa miradi hiyo.

Ziara ya Kamati ya Siasa Wilaya imekagua miradi mbalimbali ikiwemo, afya na elimu ikiwa ni utaratibu uliopo katika ilani ya CCM ya kukagua miradi iliyotekelezwa na Serikali.