MADIWANI ,WATENDAJI WA KATA WATAKIWA KUWA MABALOZI WA KUELEZEA MIRADI YA SERIKALI YA AWAMU YA TANO KWA WANANCHI NA KUWAHIMIZA KUITUNZA.

Posted on: March 1st, 2021

Madiwani ,watendaji wa kata watakiwa kuwa mabalozi wa kuelezea miradi ya serikali ya awamu ya tano  kwa wananchi na kuwahimiza kuitunza .

Na Mwandishi wetu

MADIWANI wa Halmashauri  ya  Jiji la Arusha na watendaji wa kata katika Halmashauri ya Jiji la Arusha ,wametakiwa kuwa mabalozi wa kuwaelezea wananchi  miradi mikubwa  inayotekelezwa na Seriali mojawapo wa mradi huo ukiwa ni mradi wa maji ,Jijini Arusha   wenye thamani ya Tshs  billion 520  inayotekelezwa na Serikali chini ya uongozi wa Dk.John Pombe Magufuli .

Mradi huo unatekelezwa na kusimimiwa na Mamlaka ya Maji Safi na Usafi wa Mazingira Jiji la Arusha ambapo hadi sasa mradi huo katika Jiji la Arusha umefikia hatua nzuri na kukamilika kwa mradi huo kutaondoa tatizo la maji katika Jiji la Arusha na Mkoa wa Arusha  

Mkuu wa Wilaya ya Arusha Mh. Kenan Kihongosi mara baada ya kumaliza ziara ya kukagua mradi wa uboreshaji wa huduma za maji safi na Usafi wa mazingira Jiji la Arusha anawataka Madiwani na watendaji kuwa mabalozi wa kuelezea mradi huo na kuelezea mafanikio ya serikali ya awamu ya tano bila kusita  .

Kimsingi alisema kuwa anaona fahari kuona jinsi ilani ya Chama cha mapinduzi inavyotekelezwa na kudai kuwa hayo ni matunda ya uongozi bora na uliotukuka wa Mh. Rais Dk.John Pombe Magufuli

Mh.Kihongosi alisema namna pekee ya kumshukuru   Rais Magufuli ni kuelezea wananchi miradi inayotekelezwa chini ya uongozi wake na kuwahimiza kutunza miradi hiyo kwa faida ya kizazi kilichopo na kijacho .

 Meya wa Jiji Halmashauri ya  Jiji la Arusha Mh.  Maxmilillan Matle  Iranqhe akizungumza kwa niaba ya madiwani wenzake  amedai kufurahishwa na utekelezaji wa mradi wa Tshs Billion 520 na kwamba anaona wananchi wa Halmashauri ya Jiji la Arusha wakiondokana na adha ya maji baada ya mradi kukamilika .

 Mh. Iranqhe  alishukuru Serikali kwa kutambua adha ya wananchi na kuwezesha mradi huo wenye fedha nyingi ambapo anaomba  Mamlaka ya Maji Safi na Usafi wa mazingira kuhakikisha wanarudisha miundo mbinu pindi wanapomaliza kukamilisha mradi ili kuwezesha wananchi kupita katika maeneo yao bila adha.

ZIARA YA MKUU WA WILAYA YA ARUSHA MH. KENAN KIHONGOSI AKIAMBATANA NA MADIWANI WA KATA 25, WATENDAJI WA KATA 25, WATAALAM WA AUWSA NA HALAMASHAURI YA JIJI LA ARUSHA KATIKA ZIARA YA KUKAGUA MRADI WA TSH BILLION 520 NA KUWAJENGEA UELEWA VIONGOZI KUHUSU MRADI HUO.