Mafunzo ya mpango kazi wa Taifa wa kutokomeza ukatili dhidi ya wanawake na watoto kwa kamati ya ulinzi wa wanawake na watoto katika ngazi ya halmashauri (MTAKUWWA 2017/2018 – 2021/2022) jijini Arusha

Posted on: May 31st, 2019

Mafunzo hayo yaliyofanyika jana tarehe 30/05/2019 katika ukumbi wa Makumbusho jijini Arusha  yalifunguliwa na Mkuu wa Wilaya ya Arusha Mjini Mhe. Gabriel Daqarro na  yalijumuisha wajumbe wote wa kamati ya ulinzi wa wanawake na watoto katika ngazi ya halmashauri .

Pichani: Baadhi ya wajumbe wa kamati ya ulinzi wa wanawake na watoto katika ngazi ya Halmashauri wakishiriki mafunzo kwa mtindo wa Kikundi

Mwenyekiti wa kamati hiyo ni Mkurugenzi wa jiji la Arusha na katibu ni Afisa Maendeleo ya Jamii na  Afisa Ustawi wa Jamii na majukumu ya kamati hiyo ni kuratibu shughuli zinazohusiana na mpango na kuboresha utoaji wa huduma kwa makundi yaliyo katika mazingira hatarishi.

Pichani: Mtoto Zakta Hassan ni mwanafunzi wa shule ya sekondari Ngarenaro jijini Arusha  na pia ni mmoja wa wajumbe wa kamati hiyo alipokuwa akiwasilisha mawazo ya wajumbe wengine dhidi ya dhana nzima ya ukatili wakati wa mafunzo hayo

Vikundi kazi katika utekelezaji wa  mpango kazi wa Taifa wa kutokomeza ukatili dhidi ya wanawake na watoto ni pamoja na kuimarisha uchumi wa kaya, mila na desturi chanya kwa wanawake na watoto zenye usawa wa kijinsia, mazingira salama, malezi, kuimarisha mahusiano na kuziwezesha familia, utekelezaji na usimamizi wa sheria, utoaji wa huduma kwa waathirika wa ukatili, mazingira salama shuleni na stadi za maisha pamoja na uratibu, ufuatiliaji na tathmini.