MAWAKALA WA VYAMA VYA SIASA 11,311 KUTOKA VYAMA VYA SIASA JIMBO LA ARUSHA WAAPISHWA KUSIMAMIA UCHAGUZI 2020

Posted on: October 21st, 2020

Msinanzi wa Uchaguzi wa Jimbo la Arusha mjini Dkt. John Pima amewaapisha Mawakala 11,311 kutoka vyama mbalimbali vya siasa  ambapo mawakala 522 wametakiwa kurekebisha mapufungu yaliyobainika katika barau zao za kuomba uwakala .

Akitoa taarifa kwa vyombo vya  habari  Dkt.  Pima  alisema kuwa  walipokea barua zipatazo 11,833 kutoka vyama 15 vya kisiasa  ambavyo ni CUF ,CHADEMA ,CCK ,CCM ,ACT ,UDP, DEMOKRASIA MAKINI ,ADA TADEA ,CHAMA CHA SAUTI YA UMMA,UMDP ,NRA ,AAF ,ADC, UPDP  na NCCR -Mageuzi .

Dkt Pima alisema kuwa baadhi ya barua alizopokea  alibaini mapungufu  mbalimbali  ikiwa ni pamoja  na kushindwa kuonyesha majina ya kata  na vituo ambavyo mawakala hao watasimamia uchaguzi

Mengine ni  Mawakala hao kutokuwa na utambulisho wa katibu kutoka katika chama husika ,kutumika kwa  mihuri tofauti katika barua zilitoka  chama kimoja ikiwa ni pamoja na mawakala husika kutambulishwa na katibu wa Jimbo badala ya katibu wa Wilaya .

“Kulikuwa na mapungufu na changamoto nyingine ndogondogo ambapo tumeita vyama vyote na kuwaeleza mapungufu hayo  na vyama vingi vilifanikiwa kufanya marekebisho  na wengine tuliwapa muda wa kurekebisha ili kukidhi vigezo “alisema  Dkt.Pima

Alisema kuwa  Jimbo la Arusha mjini limefanikiwa kuteua na kuapisha  mawakala kutoka vyama vyote 15 vinavyotarajiwa kushiriki uchaguzi mkuu Oktoba 28.

Dkt .Pima alitoa wito kwa Mawakala wote kuzingatia maelekezo yaliyotolewa na tume ya taifa ya uchaguzi kama sheria ,kanuni ,miiko ,maadili na taratibu nzima za  uchaguzi .

Pamoja na mambo mengine amewataka wananchi wa Jimbo la Arusha kuwa mstari wa mbele kulinda amani na utulivu ili kuwezesha kila mtu kupiga kura bila bughuza