MBUNGE MAGIGE ATOA MIFUKO 100 YA SARUJI UJENZI SEKONDARI UNGALIMITED

Posted on: March 14th, 2021

Kaimu Mkurugenzi Halmashauri ya Jiji la Arusha Mathias Shindika akipokea mifuko 100 ya Saruji kutoka kwa Mbunge wa Jimbo la Arusha Mh.Catherine Magige

Mbunge Magige atoa mifuko 100 ya Saruji  Ujenzi Sekondari Ungalimited  

Na Mwandishi Wetu

Mbunge wa Viti Maalumu Mkoa wa Arusha Kupitia Chama cha Mapinduzi (CCM) Mh. Catherine Magige ametoa msaada wa mifuko 100 ya Saruji kwa ajili ya ujenzi wa shule ya sekondari ya Ungalimited katika  Halmashuri Jiji la Arusha. 

Akikabidhi msaada huo Mh .Magige  alisema kuwa anaunga mkono Jitihada za Serikali ya tano za kujenga miundo mbinu bora ya elimu na kuwezesha wanafunzi kusoma bila shida.

 Alisema kuwa kujengwa kwa shule ya Sekondari Ungalimited kutaondoa adha ya wanafunzi wanaoishi katika Kata hiyo na jirani kujiunga na shule hiyo na hatimaye kuondokana na adha yakutembea muda mrefu  kwenda shule zilizopo nje ya Ungalimited.

Kaimu Mkurugenzi wa Halmashauri ya Jiji la Arusha Mathias Shindika akipokea Saruji hiyo kwa niaba ya Mkurugenzi wa Jiji la Arusha Dk.John Pima alisema kuwa wamefurahi kwa msaada huo na kwamba tayari Ujenzi wa Shule hiyo umeisha anza na unatarajia kutumia Tshs million 310 na kudai  kuwa Serikal inajali na kuthamini michango ya wadau wa maendeleo. 

Alisema kuwa msaada uliotolewa na Mh.Magige ni utachangia katika ujenzi unaoendelea na kuwa hadi sasa ujenzi umeisha tumia zaidi ya million 100 na ni Jengo la Ghorofa. 

Aliongeza kuwa Mbunge wa Jimbo la Arusha Mrisho Gambo  alishatoa Nondo zenye thamani ya Tshs million 20 .

Ujenzi wa shule Mpya ya Sekondari Ungalimited utaondoa adha ya Watoto wanaofaulu kujiunga na kidato cha kwanza kupangiwa shule za mbali.