Miradi Wilaya ya Arusha yavunja rekodi, yamfurahisha mkimbiza Mwenge Kitaifa

Posted on: June 20th, 2021

Miradi Wilaya ya Arusha yavunja rekodi, yamfurahisha mkimbiza Mwenge.

Na Mwandishi wetu 

KIONGOZI wa Mbio maalum za Mwenge  wa Uhuru Kitaifa   mwaka 2021  Luteni Josephine Paul Mwambashi  amesema kuwa miradi   11  ya Wilaya ya Arusha, Mkoa wa Arusha  aliyokagua  na kuitembelea  akiwa na wakimbiza Mwenge Kitaifa  ni ya viwango vinavyotakiwa na inauhalisia wa fedha zilizotumika. 

Miradi hiyo inathamani ya Tshs 554,605,185,578 ambapo  fedha kutoka Serikali kuu ni Tshs 552,250,660,184. Halmashauri  Tshs 2,124,047,393, Uwekezaji wa ndani  Tshs 228,978,000.00, Nguvu ya Wananchi  Tshs 1,500,000. 

Luteni Mwambashi akizingumza na wananchi  katika Viwanja vya Soko la Kilombero alisema kuwa amefurahishwa na utekelezaji wa miradi katika Wilaya ya Arusha iliyopo katika Halmashauri ya  Jiji la Arusha. 

Kiongozi huyo wa Mbio za Mwenge anavunja ukimya na kuelezea mradi wa kiwanda cha kuzalisha matofali  ulionzishwa na kutekelezwa na Jiji la Arusha kwamba mradi huo ni wa viwango na Halmashauri nyingine zinapaswa kuja kuiga Jiji la Arusha namna miradi kama hiyo inavyotekelezwa .

Alisema kuwa mradi huo utaleta manufaa kwa kuwa utaongeza mapato ya Halmashauri na kutoa ajira na kwamba fedha zilitumika kutekeleza mradi huo hazina mashaka kwa kuwa zina uhalisia. 

Mradi huo wa Matofali umetumia Tshs 93,805,000 ambapo mtambo umenunuliwa kwa Tshs 61,200,000 ,gharama za usimikaji wa mtambo Tshs 13,699,500,ujenzi wa ofisi na stoo Tshs 18,905,500. 

Pamoja na mambo mengine alieleza kufurahishwa na miradi mingine ya Halmashauri ya Jiji la Arusha ikiwemo miradi ya Ujenzi wa madarasa  na kutaka Uongozi wa Halmashauri ya Jiji la Arusha kuendelea kutekeleza miradi kwa viwango vinavyotakiwa kama ilivyo kwa miradi mingine. 

Kimsingi alisema kuwa miradi inayoanzishwa ni kwa ajili ya maendeleo ya Wananchi kwamba inatakiwa kutekelezwa katika viwango vinavyotakiwa