Mwenge wa Uhuru kupokelewa Juni 22, 2022 Jijini Arusha, Zaidi ya Miradi 7 yenye thamani ya zaidi ya Sh. billioni 2.7 kuzinduliwa.

Posted on: June 20th, 2022

Mkuu wa Wilaya ya ARUSHA Mhe. Said Mtanda  amesema kuwa miradi saba yenye thamani ya Sh. bilioni 2.7 fedha kutoka Serikali kuu, Sh. Milioni 200 fedha za mchango wa Jiji la Arusha na Sh. Milioni 445.7 fedha kutoka Sekta binafsi itazinduliwa na mwenge wa uhuru katika Jiji la Arusha.

Mhe Mtanda ameyasema hayo leo Juni 20, 2022 alipokuwa anaongea na waandishi wa Habari kuelekea Ujio wa Mwenge wa Uhuru na Waandishi ambapo Mwenge huo utazindua mradi wa Maji uliofadhiliwa na Mamlaka ya Maji Safi na Usafi wa Mazingira Jiji la Arusha (AUWSA ) katika  Zahanati ya Terrat ambapo mamlaka hiyo imeweka kizimba  maalum cha maji kilichoboreshwa.

Akizungumza na wandishi wa Habari juu ya ujio wa mwenge huo Jijini Arusha, Mhe. Mtanda alisema mwenge huo  utaweka jiwe la msingi mradi wa Afya kituo Cha Afya cha mkonoo sanjari na ukaguzi wa warahibu(soba house)eneo la Njiro

"Nawakaribisha wananchi wote wafike katika maeneo tofauti ambayo mwenge utakwenda kuzindua miradi hii,pia na mwenge huu utafika Jiji la Arusha Juni 22 na utapokelewa Viwanja vya Magereza ukitokea Wilayani Monduli na Jiji tutaukimbiza kwa siku moja, hivyo wananchi wajitokeze kwa wingi"

Alisema pia utazindua barabara ya Themi viwandani eneo  katika mradi wa kutengeneza chakula cha mifugo sanjari na kutembelea mradi wenye kuongezea thamani za mazao ya  nyuki eneo la nanenane.

Baada ya uzinduzi huo mwenge huo utakesha eneo la viwanja vya Kilombero ambapo kutakuwa na taarifa mbalimbali na risala ya utii kwa Rais, Samia Hassan Suluhu itasomwa ikiwemo burudani katika vikundina wasanii mbalimbali.