Viongozi wa CCM Kata ya Levolosi Jijini Arusha wamuunga mkono Dr. Madeni kwa Operesheni yaKe ya ukusanyaji mapato,waomba miundombinu ya Soko la Kilombero iboreshwe

Posted on: October 14th, 2018

Viongozi wa chama cha mapinduzi (CCM) kata ya levolosi jijini Arusha wamempongeza mkurugenzi wa Jiji la Arusha Dr. Maulid Suleiman Madeni kwa kuanzisha operesheni ya ukusanyaji wa mapato yenye lengo maalum la kuongeza mapato ya jiji.

Pongezi hizo zimetolewa wakati viongozi hao walipomtembelea Mkurugenzi wa jiji ofisini kwake mapema leo hii ambapo Miongoni mwa changamoto zilizoainishwa na katibu wa ccm kata ya levolosi bi. Aisha mara  ni Pamoja na  mpangilio mbovu wa  stendi ndogo ya Kilombero na stendi ndogo ya Miami hali inayopelekea  changamoto ya msongamano wa watu  kwani hakuna mpangilio mzuri wa ruti za daladala wakati wa kupakia abiria

Changamoto nyingine inayoikabili kata ya levolosi ni mazingira kuwa machafu kutokana na wimbi kubwa la wafanyabishwara wadogo almaarufu kama machinga  kutozingatia usafi wa mji.

Kwa  upande wa elimu kata ya levolosi  ina ukosefu wa  Shule ya Sekondari, hivyo wamemuomba Mkurugenzi  kama ndani ya shule ya Msingi Levolosi kuna eneo kubwa ambalo kuna uwezekano wa kujenga Shule  ya Sekondari kwa kiwango Cha ghorofa, wataalamu wa halmashauri  watembelee eneo husika na kufanya upembuzi  yakinifu.

“Wafanyabiashara wote  Wajenge  tabia ya kulipa kodi kwa wakati iIi Kuepuka usumbufu kwa Serikali na waache tabia ya kulipa kodi kwa njia ya zisizo sahihi, tunawaomba wafuate utaratibu uliowekwa na serikali au Halmashauri” alisema Bi. Aisha wakati akisoma taarifa yake kwa Mkurugenzi wa Jiji

Aidha aliongeza kwa kusema kuwa   Miundo mbinu katika Soko la Kirombero iboreshwe hasa kwa upande wa mfumo wa maji taka na  Ukuta wa soko la vitunguu Kilombero ujengwe kwa kuongezwa urefu kwa ajili ya usalama wa bidhaa hiyo .

Naye dr. madeni aliwashukuru viongozi hao wa ccm kata ya levolosi kwa kumtembelea na kuahidi kuzifanyi akazi changamoto zote walizoziainisha.

“kitu kimoja tu ninachowaomba viongozi wenzangu, isiwe tu kuunga mkono operesheni ya mapato kwa mameno bali ningependa operesheni zijazo tuambatane bega kwa bega hadi kwa wananchi kuhamasisha ulipaji wa kodi na ushuru kwani mapato haya ndio mhimili mkuu wa Halmashauri yetu na Taifa kwa ujumla ” Alisema Dr. Madeni