WANAFUNZI WANATAKIWA KULA CHAKULA SHULENI

Posted on: May 9th, 2024

Bodi za shule zote katika Halmashauri ya Jiji la Arusha zimetakiwa kuhakikisha zinaondoa wafanyabiashara wa vitu mbalimbali katika maeneo ya shule ili kuwafanya wanafunzi wale chakula  cha shule.

Kauli hiyo, imetolewa na Kaimu mwenyekiti wa kikao cha lishe robo ya tatu Daktari Nindwa Maduhu alipokiwa akizungumza kwa niaba ya Mwenyekiti ambae pia ndie Mkurugenzi wa Halmashauri ya Jiji la Arusha.

Amesema, utoaji wa chakula katika shule ni muhimu kwa kumjengea mwanafunzi mazingira rafiki ya kusoma.

Aidha, ametoa wito kwa wazazi kuchangia chakula kwa watoto wao pindi wanapokuwa shuleni kwani wapo baadhi yao hawachangii na hivyo kusababisha watoto wao kukosa chakula.

Pia, ametaka elimu ya lishe itolewe kwa  wazazi wenye watoto  wa umri chini ya miaka 2 ili kupunguza udumavu kwa watoto hao.

Kikao cha lishe robo ya tatu kimefanyika kwa kupitisha maazimio mbalimbali ikiwemo kuendelea kutoa elimu kwa wazazi kuhusu uchangiaji wa chakula katika shule.