Wananchi watakiwa kuwa makini na mikataba

Posted on: July 17th, 2021

Na Mwandishi wetu

Mkuu wa Mkoa wa Arusha John Mongela amewataka wananchi wa Mkoa wa Arusha kuwa makini na mikataba wanayoingia kwa ajili ya biashara au shughuli yeyote kwa kuhakikisha wanaisoma kabla ya kusaini.

Mhe. Mongela  ametoa kauli hiyo wakati a kuzungumza na wananchi katika Kata ya Murieti kuhusu kero zao ambapo alibaini kuwa baadhi ya wananchi wamesaini mikataba bila kusoma na imewaumiza. 

Anasema kuwa ni vyema wananchi wakaomba kusomewa na kufafanuliwa mikataba kabla yakusaini kwa kuwa baadhi ya mikataba imeandaliwa kwa makusudi kuumiza watu na kuwa walengwa wanatakiwa na ufahamu wa mikataba husika. 

Katika hatua nyingine amezitaka taasisi za Serikali kutatua kero za wananchi kwa kuwapatia huduma kwa wakati ikiwa ni huduma ya maji na umeme.