Wazee waomba kutungwa sheria ya kusimamia ukatili dhidi yao, Meya Iranqhe atoa neno.

Posted on: June 19th, 2023

Na Mwandishi Wetu 

Arusha. 

Wazee Jijini Arusha wameiomba Serikali kutunga sheria ya kusimamia  wazee ili kuondosha ukatili dhidi yao 

Rai hiyo imetolewa  na Kassim Selamkwa Katibu wa Wazee Wilaya ya Arusha wakati walipo kutana jijini Arusha katika Maadhimisho ya Siku ya kupinga ukatili wa Wazee yaliyofanyika kwenye Ukumbi wa Mikutano wa Halmashauri ya Jiji la hilo. 

Amesema, vitendo vya kikatili kwa makundi maalumu hasa kwa wazee vinaendelea kufanyika nchini  licha ya kuwa vitendo hivyo bado vinaendelea kukemewa. 

Aidha ameongeza imani za kishirikina zinachochea ukatili kwa wazee na kutoa wito kwa viongozi wa dini na kisiasa kuelimisha jamii juu ya haki za wazee na kuachana na ramli chonganishi.      

Kwa upande wake Mstahiki Meya wa Jiji la Arusha Maximilian iraqhe amewataka wazee kukemea vitendo vya ukiukwaji wa maadili ndani ya jamii ikiwemo ushoga na kuwataka wazee hao kuacha kuwaendekeza watoto wao kwa kuwapatia mali badala yake watoto watafute mali zao wenyewe ili kuepusha migogoro baina ya wazazi na watoto.

Sambamba na hayo inaelezwa kuwa idadi ya  wazee waliopo katika Jiji la Arusha ni 9, 307 wanaotambulika mpaka sasa.