Waziri Mhagama akabidhi mkopo wa sh.Milioni 120 kwa akina mama 600 wa Jiji la Arusha

Posted on: March 25th, 2018

Waziri wa Sera, Bunge, Kazi, Ajira, Vijana na wenye Ulemavu Mhe. Jenista Mhagama ameongoza zoezi la kuwakabidhi mikopo isiyokuwa na riba akina Mama 600 wa jiji la Arusha ikiwa ni marejesho ya fedha za madereva Pikipiki  200 walizokabidhiwa  kama mkopo wa kuwawezesha kujikwamua kiuchumi na  Mkuu wa Mkoa wa Arusha Mhe. Mrisho Gambo.

Akizungumza wakati wa kukabidhi Waziri Mhagama amesema kuwa  akina mama hao wanatakiwa kutumia fedha hizo katika makusudio ya kufanya biashara nakuahidi Ofisi yake kuendelea kutoa ushirikiano.

Nae Mkuu wa mkoa wa Arusha mhe. Mrisho Gambo amesema ameamua kuwakopesha akina mama kwa kuwa wamekuwa wakihitaji mtaji mdogo ili kutengeneza mazingira ya kufanya biashara zitakazowasaidia kuinua kipato chao binafsi na Taifa kwa ujumla

“Fedha hizo mlizokabidhiwa leo sio za msaada bali ni za mkopo hivyo mnapaswa kuwa waaminifu na kurejesha kwa wakati ili ziweze kuwasaidia wengine” alisema mkurugenzi wa jiji la Arusha Ndg. Athuman Kihamia wakati wa ufunguzi wa ghafla hiyo.

MWISHO.